Bagoaz aurrerantza!

Saio teorikoa, nire iritziz, oso interesgarria izan da. Magistraleko orduak aurkezpenen bidez ematea ideia ona iruditzen zait baldin eta hauek aspergarriak ez badira eta gaia ondo azalduta badago, ulertzeko moduan.

Oraingo asteko aurkezpena Bost urteko haurrak mezu elektronikoak idazten programari buruzkoa izan da. Oso ondo azaldu dutela iruditu zait eta gai interesgarria izan delakoan nago. Aurkezpena entzun aurretik ez nuke pentsatuko bost urteko haurrak mezu elektronikoak idazteko ta ordenagailuan oinarrizko gauzak egiteko (piztu, itzali, ezabatu...) gai izango zirenik; baina hala da, Berritzeguneek proposatutako proiektu baten bidez lortu dute bost urteko ume hauek helburu horietara heltzea.

Argi dago Berritzeguneen helburua haurrek irakurketa eta idazketa prozesua teknologia berrien bidez lantzea dela. Alde batetik, haurrentzat motibagarria izan daiteke; baina teknologia berriak erabiltzeak arazoak ere ekar ditzake.

Blogaren egilearena

Saio praktikoan, umeek egiten dituzten ipuinak publikatzeko programa desberdinak aztertu ditugu (Calameo, Issuu eta Scribd). Hauek umeentzat oso motibagarriak direla uste dut, eskolan egiten dituzten ipuinak etxean erakutsi ditzaketelako ordenagailu bidez. Gainera, ipuinak egiteak taldeka zein banaka lan egiteko aukera ematen du. Bestetik, programa hauetan haurrek haien argazkiak edo haiek aukeratutakoak jar ditzakete eta horrek sormena bultzatzen du, ipuinak haien kontura asmatzeko aukera izango baitute. Oso interesgarria benetan haurrekin ipuinak egin eta publikatu ahal izateko!!

Klasean probatzeko, Storybird erabiliz ipuin bat egin dugu, hauxe izan da nik egindakoa: "Uxueren abentura mendian".

Bestetik, taldeka ura, komunikazioa, abiadura eta haizeari buruzko argazkiak ateratzera joateko eskatu zigun irakasleak. Bakoitzak bere argazkiak atera eta hurrengo saioan ikusi eta aztertu genituen (plano normala, pikatua eta kontrapikatua zen begiratu) eta argazkia nola hobetu ahalko litzatekeen komentatu genuen denon artean. Hau ere, ariketa interesgarria iruditu zait, alde batetik, gure ingurua aztertzeko aukera eman digulako; eta bestetik, argazkiak ateratzeko trukotxo batzuk ikasi ditugulako. Hona hemen adibide bat.

PLANO PIKATUA

https://blogger.googleusercontent.com/img/b/R29vZ2xl/AVvXsEhKUzsc2TzuMnjkaCntW-KtVByThKQpuWvz4uNyUwOsB-XCqELhSfbq5uBd4cUDzhrQwgjV-VKVmfEq7wMeCSeey1ZUvjSkiqjZSeDzxjr_WL0B6FDz7IzrjQCQVoYG8yprpyDg33TXs1A/s1600/picado.JPG

RSS zer den ere ikasi dugu saio praktikoan. Honek, toki bateko helbidea hartu eta bertan harpidetzeko aukera ematen digu, besteen blogetan ere harpidetu gaitezke. Hau jakitea oso ondo dagoela iruditzen zait, gure blogetik zuzenean gustuko dugun aldizkariren batera, besteen blogetara... sartu ahal izango dugulako horietara harpidetzen bagara.

Apps portableak erabiltzen ere ikasi dugu, hauek eramangarriak diren aplikazioak dira, adibidez usb batean eraman ditzakezunak. Hauen artean, GIMP erabili dugu, argazkiak editatzeko balio duen programa. Proba bezala argazkiak mozten, tamainak aldatzen edo pisua kentzen ibili gara. Guk erabiltzeko nahiko erraza dela frogatu dugu, baina ez dut uste haurrek erabili dezaketenik, haientzako nahiko zaila dela uste dut.

Beste antzeko programa bat Fotoflexer dela ere azaldu digu, baina hau online erabiltzekoa da. Argazkiak editatzeko balio du honek ere eta hau haurrek erabiltzeko egokiagoa dela uste dut; baina beti ere irakasleak gidatuta erabili behar izango dute, inoren laguntzarik gabe oso zaila egingo baitzaie programa honekin aritzea.

Pausuz pausu, gero eta gehiago sakonduz!

Saio teorikoan Web 2.0 zer zen eta horrekin lotutako kontzeptuak aztertu genituen. Web 2.0 filosofia modu bat da sarean gauzak hartu eta produzitzeko.

Bi kontzepturen arteko ezberdintasuna azaldu zigun:                                                              

Blogaren egilearena

Hori kontuan izanez, Web 2.0 kolaboratiboa dela ulertu ahal izan genuen.

Gainerako kontzeptuak puntuz puntu azalduko ditut (guztiak daude Web 2.0rekin lotuta):

• ESTANDARIZAZIOA: Softwarea askea da, eta gauzak gero eta konpatibleagoak edo berdinagoak dira bai forma aldetik, eduki aldetik… Weben artean ere estandarizazioa eman da, guztiak berdintsuak baitira.
•  CSS (Cascada): Lehenengo eredua jarraitzea gainerakoetan ere. Hau da, hasieran letra mota edo formatu eredu konkretu bat jarri baduzu gainerakoetan ere formatu edo diseinu hori agertuko da.
•  MIKROFORMATO: Eduki bereko gauzak zatitzea memoria gutxiago okupatzeko.
•  BERNAHASKETA: Bideoak, audioak edo halakoak moztea, laburtzea eta gure beharrizanetara moldatzea izango litzateke.
•   KONBERGENTZIA: Ahalik eta antzekotasun handiena izatea esan nahi du, hau da, guztiak berdintsuak izatea; eta hori da Web 2.0n gertatzen ari dena.
•  RSS: Honek harpidetza egiteko aukera ematen du. Informazio digitala hartzeko harpidetu zaitezke honen bidez, eta behar duzuna bilatzen aritu beharrean haiek bidaltzen dizute informazioa.
•   PARTE HARTZEA: Bakoitzak idazten edo egiten duena publikoarentzat da, eta alderantziz; horregatik esaten da parte hartzen dela. Denok zerbait gehituz sarea elikatzen dugu, norberak emanez eta gainerakoek ere emanez, hau da, denok parte hartuz.
•   FOLKSONOMIA: Erabiltzaileak sortutako etiketa edo kategoria berriak dira gauzak sarean aurkitzeko erabiltzen direnak.
•  WIKI: Edonork editatu dezakeen bloga da. Edonork jar dezake informazioa bertan, eta edonork idatz dezake; horregatik, ez da oso fidagarria izaten batzuetan.
•   EKONOMIA: Guzti honen atzean ekonomia dagoela argi izan behar dugu.

Blogaren egilearena

•  ARRISKU KAPITALA: Sortzen diren enpresa berriak, hasieran diru gutxirekin hasten dira; ospea lortzen dutenean, aldiz, burtsan… inbertitzen dute haien dirua galtzeko arriskuan jarriz.
•   KLIK BAKOITZEKO KOSTUA: Web orrira sartzen den jende kopuruaren arabera diru gehiago edo gutxiago irabaziko dute enpresek.

Ondorioz, orokorrean, Web 2.0ri buruz komentatu behar dena zera da, erabiltzeko erraztasuna bilatzen du, sinplea izanez eta konfiantza emanez.

Web 2.0.ri buruz hitz egiten dugunean, datu base batetan oinarritzen den Interneteko zerbitzu edo tresnez ari gara, zerbitzuen erabiltzailearengandik aldatua izan daitekeelarik, bai bere edukien aldetik (aurretik dagoen informazioari informazioa gehituz, aldatuz edo ezabatuz edo metadatuak erlazionatuz) aurkezteko eran edo eduki eta moduan aldi batera. (Ribes, 2007).

Saio praktikoetan, Power Point bidezko aurkezpenak era egokian egiteko gako batzuk eta programa honi buruzko azalpen batzuk eman zizkigun.

Blogaren egilearena

Power Pointetan animazioak nola jartzen diren ere azaldu zigun, eta egia esan oso erraza da, efektuak aukeratu eta ordenatzea da gauza.

Gordetzeko era desberdinak daudela ere komentatu zigun.

__.pps eran gordez gero, ikasleentzat errazago izango da, lehenengo diapositiba zuzenean ikusiko dutelako.

Beste Power Point batetik soinuak edo argazkiak hartu daitezkeela ere erakutsi zigun, “Guardar como página web” eginez, karpeta batean aparte soinu eta argazki guztiak uzten dizkizulako. Baina gure Power Pointean soinuak nola sartu ere ikasi genuen, “grabar narración” eginez.

Honez guztiaz gain, "Zaindegi zerbitzua"z ere eman zizkigun azalpen batzuk, hau 48 orduz gure lanak edo bestelakoak uzteko tokia da. Karpetak ere igo ditzakegu bertara baina konprimitu egin behar ditugu, “zip” bezala jarri. Deskonprimitzea normalean automatikoki egiten du baina “Extraer”ekin ere egin dezakegu.
Ondoren, Blogarekin jarraitu genuen, oinarrizko osagai batzuk azalduz. Copyscape erabiltzeko proposatu zigun gure bloga plagioetatik babesteko. Horretarako “Page proteged by COPYSCAPE Do Not Copy” etiketa jarriko diogu gure blogari, diseinuan aukeratu dezakezun gadget batean. CreativeCommons zer den ere azaldu zigun blogean erabiltzeko. Lizentzia mota aukeratu dezakezu, Creative Commons ikonoa jarri gadgetetan eta zure lizentziaren nolakoa den –ematen dizuten kodea itsatsiz-.
Azkenik, Story bird  erabiltzen hasi ginen, ipuinak asmatzeko tresna erraz eta dibertigarria baita, haurrekin erabiltzeko oso ondo dago.

NIRE GOGOETA
Aste honetan zehar, saio magistralean hainbat kontzeptu berri ikasi ditugu; ziur nago gerora erabilgarriak izango direla, baina asko direnez eta orainarte ezagutzen ez nituenez, hauetako batzuk ikasteko eta ulertzeko zailak direla iruditu zait.

Saio praktikoa gehiago gustatu zait aste honetan ere. Alde batetik, Power Pointa egokitasunez erabiltzen ikasi dugu eta horretarako gako batzuk eman dizkigu irakasleak; horrez gain, programa honekin izan ditzakegun arazoak nola ekidin ere azaldu digu, oso interesgarria iruditu zait. 

Beste alde batetik, Story birda ere erabili dugu eta haurrekin erabiltzeko oso egokia delakoan nago; izan ere, haurrak tresna honekin ipuinak asmatu ditzakete eta beraientzat oso dibertigarria eta motibagarria izango litzatekeela uste dut.